lovestorey
الادارة
الاسم : عاااااااااااشق برشلونة
المشاركات : 1803
 |  موضوع: كلنا ممكن نغلط ....لاكن....  الأحد مارس 21, 2010 5:21 pm | |
| 
كلنا ممكن نغلط ....لاكن....
كلنا ممكن نغلط لاكن ليه في غلطنا بنتمادى وبنكمل..؟!
طول ما الدنيا بخير نفضل نغلط تانى وضميرنا بيستحمل...!!
دى اغنية لشيرين عبد الوهاب بس ده مش موضوعنا برضوا
انما الفكرة اللى في الكلمات اللى فاتت هى موضوعنا
اى حد فينا بيغلط عادى طبيعى جدا لاننا بشر مش معافين من الغلط
بس اللى مش عادى اننا نكمل الغلط ده ونتمادى فيه
اللى مش عادى اننا نزود غلطنا بغلط
اللى مش عادى اننا منحاسبش نفسنا قبل ما نتحاسب
اللى مش عادى اننا اصلا منعرفش اننا بنغلط ودا لوحده ابشع من الغلط
كل واحد فينا بيغلط .... ويغلط .... ويغلط....
وتلف الايام بيه وبتدور
ويجى الدور عليه هو نفسه علشان يشرب من نفس الكأس وهو غدر الدنيا
ومع اول حبة من الكأس
نلاقي دموع وتوبة ونلاقيه بقي انسان كويس 
ويقول يارب انا مش هرجع للى كنت فيه ده تانى
يارب لو خرجتنى من اللى انا فيه والله ما هعمل ولا هعمل بس خرجنى
يارب انا عبدك والله ما قصدى اعصيك
يارب...يارب...يارب
وتلاقيه تايه بين الايام لا عارف ياكل ولا يشرب ولا ينام
[center] كل ده وقت لما الدنيا تغدر بيه بس ويبقي مش عارف يعمل حاجة
و الناس اللى ظلمها في حياته كمان يمكن تساعده وتوقف جنبه
وترجع الدنيا تضحك ليه تانى
وبعد ما يرجع يقدر
تلاقيه رجع من تانى ويمكن يبقي اسوء من الاول
طب ليه ..؟!
الله اعلم
هل هو فاكر نفسه انه نجى وربنا مش قادر يبليه من تانى...؟
طب اللى بيغلط فاكر ان الاحوال هتفضل كويسة معاه على طول الخط...؟
فاكر نفسه انه هيعدى بظلمه وغلطه ...؟
ويبقي السؤال هنا ..
كلنا ممكن نغلط ..لاكن ..ليه ..بنتمادى..ونزيد..ونرجع...؟
[/center] | |
|
