بـــحـــبكـــ يــا بـــلــــد يــــ

كلنا أمة واحدة

كلنا من الأمة الإسلامية.. أمة محمد صلى الله عليه وسلم

وكل فرد فينا يفتخر بذلك ويحمد الله على هذه النعمة الغالية

ولكن بلدك هي إختيار ربنا لك

وكل واحد ربنا أختار له بلد يعيش فيها وينتسب إليها

وكل واحد فينا له نظرة وتقييم لبلده..والنظرة دي بتأثر فيها ظروف كتير
اجتماعية واقتصادية بتكون جوانا إحساس هل نحن فخورين ببلدنا ولا لأ؟؟؟

وكتير مننا شايف بلده بنظرة سلبية.. وساعات كتير بيتأثر بالإعلام اللي بيظهر سلبيات وطنه بشكل مكثف.

صحيح إننا مهم نعرف سلبياتنا ولكن علشان نستفيد منها مش علشان نعممها لدرجة أنها تخلينا منشوفش أي حاجة حلوة في بلدنا...

طيب ما أنا بالنظرة السلبية دي بأخذ قرار بإيدي إني أعيش في مكان أنا مش
راضي عنه.. لأن الاستغراق في السلبيات سيشعرني باليأس والإحباط وبأن بلدي
لا يمكن تتخلص من السلبيات اللي فيها ومستحيل أنها تتغير للأحسن.

ومن هنا جاءت مبادرة (بحبك يا بلدي)

المبادرة اللي هدفها واضح من عنوانها

والهدف الرئيسي هو أننا نبدأ نشوف بلادنا بعين الحب

وأننا منستسلمش للصور السلبية والمحبطة اللي بتتنقل لنا عنها

وبكده تكون نظرتنا للايجابيات دافع وحافز لينا يساعدنا في تغيير السلبيات...

يلا نشوف إيجابيات بلادنا وأجمل الأشياء فيها

يلا نرصد كل حاجة حلوة أو أي ظاهرة إيجابية سواء من النعم اللي أنعم ربنا
بها على كل بلد زي مثلاً الطبيعة الجميلة والموقع المتميز والجو الرائع أو
الخيرات الطبيعية أو الصفات الطيبة والجميلة اللي بيتمتع بها كل شعب من
شعوب العالم الإسلامي... أو حتى الحاجات اللي ناس من أهل بلدنا عملوها
علشان يجملوا بها بلدهم زي المباني والأثار والمؤسسات وغيرها....

وأوعى تقول لأخوك أنا بلدي أحسن من بلدك.. لأن ربنا وزع النعم على كل
البلاد، لأنه عادل سبحانه وتعالى.. واختلاف البلاد عن بعضها رحمة كبيرة من
ربنا لأننا كلنا بنكمل بعض.. واللي حتلاقيه ناقص في البلد دي ممكن تلاقيه
موجود في الأخرى وهكذا

(بحبك يا بلدي) حلم بتمنى أنه يتحقق.. بحلم بأن كل إنسان في
عالمنا الإسلامي يحب بلده وحبه يكون أكبر دافع له علشان يغيرها للأفضل..
ويخليها أحسن بلد في الدنيا.. وإن شاء الله حتكون كده على أيد شبابنا....

ومهم جدا نعرف أننا لما نحب بلادنا نبقى بنطبق سنُة النبي صلى الله عليه وسلم

فالنبي أحب مكة ودعا لها... وأحب المدينة ودعا لها هي وشعبها الأنصار...

بس الحب كان من غير تعصب.. ومن غير تحيز... حب إيجابي.. وكان دايما بينظر لبلده بعين الحب مهما حصل...

وكمان قال لنا صلى الله عليه وسلم اللي حيموت في سبيل بلده حيموت شهيد وييجي مع سيدنا حمزة وسيدنا مصعب رضي الله عنهما

يلا يا شباب ابعتوا لنا صور جميلة وإيجابية من بلادكم وعليها التعليقات
اللي تحبوها... أو أبعتوا مقالات فيها معلومات بتميز بلدكم أو شعوبكم...

أو أي حاجة تشعروا أنها حتعرفنا على أوطانكم

يلا نشوف بلدنا بعين الحب.. ويلا نحبب غيرنا في بلدنا

وان شاء الله حنختار أجمل 3 مشاركات لأشخاص اجتهدوا في إنهم يعرفونا ويحببونا في بلدهم.. وحنخصص لهم جوائز

يللا يا شباب شاركونا وإن شاء الله آخر موعد لارسال المشاركات هيكون 31 يوليو 2009

ومش مهم المشاركة كبيرة ولا صغيرة المهم أنك تشارك

صدقوني أنا متأكد لما المشاركات تبدأ حنشوف أد ايه بلادنا فيها حاجات جميلة ومشرقة.. وأد ايه ربنا مدينا نعم كتير جدا

بس أحنا أحياناً مش بنشوف الحاجات الحلوة لما بنركز طول الوقت على السلبيات

يارب بحلم تكون التجربة دي بداية لكل واحد فينا علشان يأخذ عهد على نفسه يغير أي شئ سلبي في بلده

وأنا متأكد أن الطريق ده ان شاء الله حيوصلنا في النهاية لرضا ربنا سبحانه وتعالى.. وتقدم بلادنا الإسلامية إن شاء الله...

طول ما انا عايش محدش هيمس بلدي
بحبك يا بلدي

بـــحـــبكـــ يــا بـــلــــد يــــ 840610

حب بلدنا واجب علينا

بـــحـــبكـــ يــا بـــلــــد يــــ 93825

[quoteلاخر قطره فى دمى هدافع عنك يا بلدى (من عاشق مصر)[code][u][i][b]

بـــحـــبكـــ يــا بـــلــــد يــــ 890515

الله علي روح المصريين

بـــحـــبكـــ يــا بـــلــــد يــــ 759717

مشكوووووووووووووووور ودي روح المصريين